قائمة التسوق الأسبوعية للعائلات الأردنية
" كل أسبوع تقريبًا منرجع لنفس السؤال، شو ناقصنا بالبيت؟ مرة منلاحظ إنه الرز خلص، مرة الزيت، ومرة المنظفات، ومننسى أشياء بسيطة نحتاجها خلال الأسبوع. عشان هيك، وجود قائمة مقاضي ثابتة بيسهّل عليك،... وبيساعدك تشتري اللي فعلاً محتاجه بدل ما تشتري أشياء زيادة. هاي قائمة عملية تقدر تعدّل عليها حسب احتياجات بيتك. أول شي: المواد الأساسية. الأشياء اللي غالبًا بتكون موجودة بكل بيت مثل الرز، السكر، زيت الطبخ، والطحين. افتح الخزائن وشوف شو الموجود عندك قبل ما تضيف أي شي للسلة. نصيحة سريعة: إذا عندك منتجات بتستخدمها دايمًا مثل الرز أو الزيت أو السكر، خليك على قائمة ثابتة وغيّر الكمية حسب استهلاك البيت. الثاني: الألبان ومشتقاتها. حسب احتياج العائلة، ممكن تضيف حليب، لبن، لبنة، جبنة، زبدة، أو قشطة. إذا كان عندك أطفال أو استهلاككم اليومي عالي، خلي هاي من الأشياء اللي بتراجعها قبل كل طلب. الثالث: الخضار والفواكه. الخضار والفواكه من أكثر الأشياء اللي منحتاج نشتريها بشكل متكرر لأنها بتنتهي بسرعة. خضار مثل بندورة، خيار، بطاطا، بصل، ليمون، وجزر. وفواكه ممكن تختارها حسب الموسم واللي بتحبه العائلة مثل تفاح، موز، جوافة، عنب، أو بطيخ بالصيف. مش ضروري تشتري كمية كبيرة من كل شيء، الأفضل تختار الكمية اللي العائلة بتستهلكها خلال الأسبوع. الرابع: مواد للفطور والسناكات إذا بتحب، يكون عندك خيارات جاهزة زي كورن فليكس، مربى، عسل، زبدة فول سوداني، بسكويت، شوكولاتة، مكسرات، أو عصائر. وهون برضو بتختلف القائمة كثير من بيت لبيت حسب شو بيستهلكوا فعلاً. الخامس: المشروبات، راجع الثلاجة وشوف شو ناقص مثل المي، العصائر، المشروبات الغازية، القهوة، أو الشاي. السادس: المنظفات ومستلزمات البيت، تأكد من وجود سائل الجلي، مسحوق أو سائل غسيل الملابس، منظف الأرضيات، منظف الحمامات، الإسفنج، أكياس النفايات، المناديل الورقية والمبللة، والمعطرات، خصص يوم واحد بالأسبوع لمراجعة المنظفات ومستلزمات البيت. إذا في منتج قرب يخلص ضيفه مباشرةً. السابع: العناية الشخصية، حسب احتياجات أفراد العائلة شامبو، صابون، معجون أسنان، فرشاة أسنان، مزيل عرق، كريمات، ومناديل كيف تعمل قائمة مقاضي مناسبة لبيتك؟ قسم قائمتك لـ أربع مجموعات بسيطة: ضروري، أسبوعي، عند الحاجة، واختياري. ومع الوقت رح تلاحظ إنك صرت تقريبًا تعرف شو الأشياء اللي بتخلص عندك كل أسبوع، وشو الأشياء اللي بتحتاجها مرة بالشهر. وإذا كنت بتتسوق من البيت، تقدر تستخدم سهل برو لتصفح المنتجات وتجهيز الطلب بدل ما تضطر تروح على أكتر من محل. قبل ما تعمل طلبك الجاي، جرّب هاي القائمة السريعة: راجعت المطبخ؟ راجعت الثلاجة؟ كتبت الأشياء الناقصة؟ راجعت الكميات؟ راجعت العروض المناسبة؟ تأكدت من عنوان التوصيل؟ بعد هيك راجع السلة قبل تأكيد الطلب. وهيك بتخلص مقاضي الأسبوع بدون ما تحتاج تبدأ من الصفر كل مرة.
سهل برو